蕭美琴堅強上sùi的身影

  今年五月開始,台灣面對新一波疫情的挑戰,加上咱向外國訂購2,000萬劑疫苗供應真無穩定的情況之下,美國、日本兩個台灣重要的民主同伴,足清楚中國順勢beh賣、beh送中國疫苗hou7台灣,逼台灣佇「一個中國」下面使用中國疫苗;佇台灣的藍白黨笑台灣政府買無疫苗,內神通外鬼,製造台灣人民的煩惱不安,逼台灣接受中國疫苗。

日本kah美國看在眼內,即時向咱伸出援助。日本趕緊載124萬劑疫苗來救急,美國三位參議員專工坐美國軍機來松山,宣布美國beh贈送台灣75萬劑疫苗,真緊tioh8會運來。

    Chit中間,有外交團隊的努力,有台僑的走chong5,有美國國會kah各界跨黨派挺到底;ti7過程中,蔡英文總統一直主動向美方爭取,表達台灣kah世界真濟國家仝款,攏同時抵tioh8疫情挑戰kah疫苗供應無穩定的困境,台灣足需要koh-khah濟疫苗,台灣需要民主同伴koh-khah大的支持力量。蔡英文總統會使講是無暝無日kah駐美代表蕭美琴通電話,隨時直接下達指令,同時蕭美琴代表半暝ma7拍電話向總統報告上新的進展。

美國忽然間宣布beh贈送台灣250萬劑Mó-te-nah疫苗,是六月初六宣布beh贈送咱台灣75萬劑的三倍外。美國政府ka7蕭美琴代表講,若照一般程序需要真濟工,若beh愛緊tioh8親身去Thé-nási州的Munhoesu領貨。蕭美琴代表當然知影早一日早一日好、早一點鐘早一點鐘好,伊無第二句話,隨時親身拼去領貨,而且親目看所有的疫苗送起去中華航空貨運機頂。

  六月十九,美國國務院發言人Phú-laisuh(Ned Price)表示,疫苗已經順利登機,預定會ti明仔載飛到台灣。伊佇Twitter發文以「起飛loh!」的字眼來說明chit遍贈送台灣疫苗的興奮之情,文中有提到美國捐送250萬劑Mó-te-nah疫苗hou7台灣,chit-má已經順利運送出去ah。Phú -laisuh koh佇文中提起,希望透過台灣kah美國的公共衛生同伴關係,會táng解救世界各地的生命,美國國務院真歡喜會tàng支持實現白宮致力佇幫助世界戰勝“COVID-19”(武漢肺炎)疫情的承諾。Phú-laisuh佇文中特別貼一張咱國駐美代表蕭美琴的相片,伊徛佇停機坪看疫苗運送起去中華航空貨機的歸個過程,足足有六點鐘。伊特別ka7蕭美琴代表的身影翕落來po hou7逐個看。

  咱所有的台灣人看tioh8蕭美琴徛佇停機坪的身影,實在真m7甘。事實上咱看tioh8的是蕭美琴堅強,上súi的身影!